Një aksident trafiku ka ndodhur para pak minutash në Prishtinë, ku vetura ka goditur një këmbësor.

Ngjarja ka ndodhur në lagjen “Ulpiana” në Prishtinë, ku vetura e tipit BMW ka goditur 37-vjeçarin V.K.

E kontaktuar nga portali Arbresh.info, Zëdhënësja e Policisë së Kosovës për Rajonin e Prishtinës, Flora Ahmeti konfirmoi rastin dhe tha se si pasojë e këtij aksidenti viktima ka marrë lëndime të lehta trupore.

“Rreth orës 16:30 kemi marrë informatën për një aksident trafiku në rrugën “Bulevardi i Dëshmorëve” në lagjen Ulpiana, ku një veturë në lëvizje e ka goditur një këmbësor. Si pasojë e aksidentit V.K 37 vjeç, ka marrë lëndime të lehta trupore dhe është dërguar për tretman mjekësor në QKUK. Me rastin po merren njësitë relevante të policisë”, ka thënë Ahmeti.